Vordagar og verkleg náttúrufræði

Vordagar og verkleg náttúrufræði 20. - 27. maí.

Á þessu skólaári verður 19. maí síðasti kennsludagur samkvæmt stundaskrá og frá og með 20. maí verður skólastarfið brotið upp með áherslu á útiveru, samvinnu þvert á aldurshópa og verklega náttúrufræði sem verður tengd nánasta umhverfi skólans.

Þessa daga verður nemendum skipt upp í fjölmarga hópa og hvern hóp  skipa um 10 nemendur úr ýmsum aldurshópum. Hóparnir fara svo í mismunandi verkefni, fræðslu og vettvangsferðir undir leiðsögn starfsmanna skólans og Selaseturs Íslands.

Allir dagar byrja með umsjónarkennara en svo fara nemendur í misjöfn verkefni en allir fara í gegnum sömu verkefnin á þessum dögum.

Efnistökin verða eftirfarandi: Fuglaverkefni í nærumhverfinu, krabbagildrur, gönguferðir, heimsókn á Selasetur, heimsókn í gróðurhús, leikir, víðsjárverkefni, útijóga, náttúruljósmyndun, kajak, skógrækt og að lokum grillað í Hvammi.

Dagskrá:

Það er afar mikilvægt að foreldrar sem hafa hugsað sér að sækja um einhver leyfi fyrir börn sín í maí geri það sem allra fyrst til að skipulag, innkaup og hópaskiptingar verði réttar. Við minnum á að leyfi í staka daga er hægt að sækja um hjá ritara en fyrir fleiri en tvo daga þarf að fylla út eyðublað á heimasíðu skólans, https://grunnskoli.hunathing.is/is/leyfi-i-3-daga-eda-lengur

Vegna framkvæmda verður starfsmannainngangi að vestan lokað frá og með 21. maí. Skrifstofur skólastjórnenda og ritara verða frá þeim degi í stofu 3, syðst í skólanum á jarðhæð.

Bestu kveðjur

Skólastjórnendur