Spennandi tímar framundan í samstarfi tónlistarskóla og grunnskóla

Foreldrar og forráðamenn.

Sigurður Þór og Eydís Bára funduðu með Mariu Gaskell, nýjum skólastjóra tónlistarskóla í fjarfundi nýlega. Þar var henni óskað til hamingju með starf skólastjóra tónlistarskóla.

Á fundinum var farið yfir spennandi tíma framundan í samstarfi skólanna í sameiginlegri nýbyggingu næsta haust. Fyrir utan það augljósa að öll kennsla fer fram undir sama þaki þá er það yfirlýst stefna með samstarfinu að nemendur á grunnskólaaldri fái kennslu innan stundaskrár og skólaaksturs og því ættu árekstrar við aðrar frístundir utan kennslutíma skólanna að hverfa. Þá er stefnt að því að stundaskrá í tónlistaskóla sé rúllandi svo það komi ekki alltaf niður á sömu kennslugreinum þegar farið er í tónlistartíma.

Nú stendur innritun yfir í tónlistarskólann og hvetjum við foreldra til að skrá nemendur sem fyrst til að sameiginlegt skipulag geti hafist í sumar. Innritanir í tónlistarskólann skulu berast á netfangið tonlistarskoli@hunathing.is 

Umsókn þarf að fylgja: Nafn nemanda og kennitala, námshlutfall, hljóðfæri, heimilisfang, sími, netfang, nafn foreldra/forráðamanns og kennitala.

Sumarkveðjur frá skólastjórnendum

Eydís Bára Jóhannsdóttir

Maria Gaskell

Sigurður Þór Ágústsson