Skólaráðsfundur 20. september 2018

Skólaráðsfundur 20. september 2018

Mættir eru: Ellen Mörk Björnsdóttir, Eiríkur Steinarsson, Ellý Rut Halldórsdóttir, Júlíus Guðni Antonsson, Margrét S. T. Hallmundsdóttir, Jóhann Smári Reynisson, Rakel Gígja Ragnarsdóttir, Ásdís Aþena Magnúsdóttir og Kristín Ólöf Þórarinsdóttir. Eysdís Ósk Indriðadóttir boðaði forföll.

Fundarritari: Kristín Ólöf Þórarinsdóttir

1. Ritari kynnti fyrirhugaða heimsókn frá biskupi Íslands í skólann næsta mánudag 24. sept. Frú Agnes Sigurðardóttir mun heimsækja kennarastofu og ganga í bekki að þvi loknu. Nemendur verða hvattir til að útbúa spurningar til að leggja fyrir biskupinn um hvaðeina þeim dettur í hug. Fram kom að meðal starfsmanna væru vangaveltur hvers vegna biskup væri að heimsækja skólann.
2. Fyrirhuguð stefna  að leyfa ekki snjallúr og síma í skólanum  var kynnt.

Skiptar skoðanir eru meðal nemenda um þessa stefnu. Farið var yfir kosti og mögulega galla vegna þessa.

Kostir væru: þeir verða áfram notaðir í kennslu, nem. fá upplýsingar strax, samskipti verði meiri með öðrum hætti. Meiri einbeiting við nám.

Gallar væru: það vantar meira pláss í frítíma, erfiðara að koma boðum til barna, meira álag á starfsmenn, vantar fleiri snjalltæki.

Hvað gæti komið í staðin:  poolborð, fleiri spil, fá leyfi til að vera í heimastofu, leiktæki á skólalóð.

Skólaráð ályktar að vert sé að prufa þetta fram að áramótum. Þá verði markvisst skoðað hvernig til hafi tekist í janúar. Þarf að útfæra þetta vel.

Fleira ekki tekið fyrir, fundi slitið.