Niðurstöður foreldrakönnunar 2019

Könnunin er framkvæmd af Skólapúlsinum fyrir Grunnskóla Húnaþings vestra.

Ef mæling skólans á tilteknum þætti er marktækt fyrir ofan eða fyrir neðan niðurstöðu annarra skóla miðað við 90% öryggismörk er mismunurinn í aftasta dálki fyrir aftan nafn þáttarins stjörnumerktur og með bláum stöfum +/- X,X. Þetta merkir að hægt sé að fullyrða með 90% vissu að munurinn sé raunverulega til staðar í þýðinu.

Könnunin skiptist í fimm þætti

• Nám og kennsla
• Velferð nemenda
• Aðstaða og þjónusta
• Foreldrasamstarf
• Heimastuðningur

Hver þáttur er skoðaður sem heild og einstaka undirþættir. Könnunin er nýtt við stefnumótun og borin saman við áherslur skólans. Einnig er reynt að leggja mat á þróun svara foreldra og meta svör þeirra í samræmi við aðrar kannanir s.s. nemendakönnun, líðanviðtöl og eineltiskannanir.

Við hvern þátt er reynt að draga fram styrkleika  og áskoranir fyrir skólann.

Á heildina litið er ánægja foreldra með skólann mikil. Í opnum svörum kemur mjög oft fram ánægja til tiltekinna starfsmanna og þakklæti fyrir margt sem hefur verið gert og skólanum hrósað. Ábendingar í opnum svörum snúa oftast að tilteknum málum einstaklinga sem ekki er hægt að fara út í í þessari skýrslu.

Helstu áskoranir snúa að úrvinnslu eineltismála og þau mál hafa verið sett í farveg og eru unnin af eineltisteymi skólans.

Skýrsluna í heild má nálgast hér.