Litlu jól 2023

Nú er aldeilis farið að styttast í jólafríið hjá okkur. Litlu jól grunnskólans fara fram á morgun, miðvikudaginn 20.desember og hefjast þau kl. 8:20. Við hvetjum alla til að mæta prúðbúna því við ætlum að nýta tækifærið og taka bekkjarmyndir. Byrjað verður á jólaballi í matsalnum en að því loknu halda nemendur í sínar stofur og hafa það huggulegt á stofujólum. Klukkan 11:00 munu nemendur og starfsmenn borða saman og að borðhaldi loknu brestur á jólafrí. Áætlað er að skólabílar aki heim klukkan 12:00.

Frístund verður opin til klukkan 16:00 fyrir þá nemendur sem skráðir eru í frístund á miðvikudögum.

Kennsla hefst aftur að loknu jólafríi miðvikudaginn 3. janúar kl. 8:20.

Hafið það sem allra best yfir hátíðirnar

Skólastjórnendur