Hinseginfræðsla á valgreinadögum á Reykjaskóla

Guðmundur Kári Þorgrímsson  er 20 ára og hefur flutt margar hinseginfræðslur í Reykjavík og Akureyri undanfarna vetur. Akureyrarbær hefur boðið honum að koma síðastliðin þrjú ár til þess að fræða alla 9. bekkinga í grunnskólunum innan Akureyrar.

Fræðslan er ætluð fyrir unglinga. Hún er létt, skemmtileg og fræðandi. Ásamt fræðilegum staðreyndum deilir hann reynslu sinni sem samkynhneigðum strák sem ólst upp í litlu bæjarfélagi úti á landi.

Fræðslan er sett þannig upp að hún reiðir sig mjög mikið á þátttöku nemenda í lifandi og áhugaverðum umræðum í gegnum fræðsluna. Fræðslan er 1 klukkutími.

Niðurstaðan sem hann óska sér er að skapa lifandi og opna umræðu um hinseginleikann sem að lifir. Að unglingarnir geti talað um þetta málefni á uppbyggjandi, eðlilegan og einlægan máta.

Fræðslurnar á Akureyri hafa gengið vel og segja kennarar grunnskólanna að mikil umræða hafi brotist út eftir fræðsluna og að umræðan um hinsegin samfélagið sé í heild sinni betra.

Hér að neðan eru nokkrar umsagnir frá starfsmönnum Akureyrarbæjar:

„Hinsegin fræðslan sem Guðmundur Kári hefur flutt fyrir unglinga í 9.bekk á Akureyri undan farin ár nær mjög vel til þeirra. Frásögn hans er einlæg og fræðandi og hann er ófeiminn að svara spurningum unglinganna á hispurslausan hátt án þess að fara yfir strikið.“

– Forvarna- og félagsmálaráðgjafar á Akureyri

„Gummi er svaka skemmtilegur og það er gott að spjalla við hann. Gott að fá ekki alltaf fullorðna til að koma og vera með fyrirlestur.“

– Nemandi í 9.bekk á Akureyri

„Hann var mjög skemmtilegur. Flottur gaur. Svaraði vel, fór aldrei yfir strikið“.

– Námsráðgjafi

„Ánægð með Gumma, fyndinn og nær vel til krakkanna. Fjölbreytt og flott fræðsla.“

– Námsráðgjafi