Gærurnar eru frábærar!

Gærurnar styrktu skólann á dögunum um hundrað þúsund krónur.  Var styrkurinn nýttur til kaupa á hlutum til útiíþróttakennslu og almennrar útiveru. Gátum við með þessu móti fjárfest í 15 nýjum körfuboltum til nota á nýja körfuboltavellinum við skólann sem við bindum vonir við að  klárist sem allra fyrst. Einnig gátum við fjárfest í 20 frisbídiskum og töskum undir þá.  Frisbídiskarnir eru ætlaði til þess að spila Frisbígolf og verður skemmtilegt fyrir nemendur að hafa aðgang að góðum búnaði í bæði frímínútum og í íþróttatímum.

Olga kom fyrir hönd Gæranna og afhenti okkur á dögunum boltana og frisbídiskana.  Færum við Gærunum bestu þakkir fyrir höfðinglegan styrk.  Þetta er skólanum dýrmætt og mun koma sér mjög vel í framtíðinni.