Fyrsti símalausi dagurinn

Það er gaman að segja frá því að fyrsti símalausi dagurinn tókst vel í skólanum og nemendur eiga hrós skilið. Það var greinilegt í samtölum við nemendur og í fasi þeirra að þessi breyting reynist sumum erfið enda margir vanir að skilja símann aldrei við sig. Ekki þurfti að minna marga nemendur á að síminn ætti ekki að vera uppi við í skólanum og tóku þeir þeim ábendingum vel.

Fundað verður með nemendaráði á mánudaginn til að fara yfir fyrstu dagana. Það kemur okkur í skólanum ekki á óvart að nemendur standa sig vel, en munum að starfsfólk skólans og foreldrar þurfa að styðja við þá nemendur sem reynist þetta hvað erfiðast vegna vanans og rútínunnar.