Freyja Lubina keppir í EuroSkills 2025

Mynd af www.feykir.is

Við hjá Grunnskóla Húnaþings vestra erum afar stolt af Freyju Lubinu Friðriksdóttur, fyrrverandi nemanda skólans, sem keppir fyrir Íslands hönd í húsasmíði á EuroSkills 2025 – Evrópumóti ungs starfsfólks. Keppnin fer fram í Herning í Danmörku dagana 9.–13. september 2025.

EuroSkills er stærsta starfsmenntakeppni Evrópu þar sem yfir 600 keppendur frá um 30 löndum etja kappi í 38 ólíkum greinum – allt frá trésmíði og rafvirkjun til hönnunar, matargerðar, þjónustu og hársnyrtingar.

Freyja lauk námi í húsasmíði frá Fjölbrautaskóla Norðurlands vestra og undirbúningur hennar fyrir keppnina hefur staðið yfir frá febrúar. Hún hefur æft sig markvisst í verklegum þáttum keppninnar og einnig sótt fyrirlestra í andlegri uppbyggingu til að styrkja sig fyrir þær krefjandi aðstæður sem keppnin býður upp á.

Við óskum Freyju innilega velfarnaðar í keppninni og fylgjumst með stolti með framgöngu hennar í Danmörku! 🌟

Hér má sjá myndband af viðtali við Freyju.