Bekkjarfundur 3. bekkjar

Flest börnin voru mætt í dag en skólabílar úr Bæjarhrepp komu ekki vegna hálku.

Spurningin sem ég bar upp var: Hvernig leið þér að fara í skólann í morgun?

(búinn að vera óreglulegur skóli vegna veðurs og ekki skólaakstur má. og mið. og enginn skóli á þriðjudag svo ég var að hlera hjá þeim hvernig þeim liði með að mæta í skólann)

Farinn var hringur og þau minnt á að það væri í lagi að segja „pass“. Allir tjáðu sig og langflestir sögðu með áherslu: Mjög, mjög vel! Mörg nefndu að þau hefðu verið orðin þreytt á að vera heima.  Nokkrir sögðu frekar vel en enginn sagði pass eða að þeim hefði liðið illa.

Önnur spurning: Hvað var það besta sem þú gerðir í gær? Allir svöruðu og þar komu mörg skemmtileg svör og ólík, einn sagði pass.

Þetta var góður bekkjarfundur þar sem þau hlustuðu vel á hvort annað og virtu fundarreglur.

Pálína