Súkkulaðiævintýri í 10. bekk

Það er alltaf mikil tilhlökkun þegar 10. bekkur tekur fyrir enskuverkefnið um Charlie and the Chocolate Factory. Í vikunni kynntu nemendur afrakstur vinnu sinnar, en verkefnið reynir á bæði sköpunargleði og tungumálakunnáttu.

Nemendur hönnuðu sín eigin vörumerki utan um nýjar tegundir af súkkulaði, skrifuðu bréf til Willy Wonka og síðast en ekki síst: bjuggu til súkkulaðið frá grunni. Sem fyrr fengu sérvaldir starfsmenn það erfiða hlutverk að smakka og dæma dýrindis kræsingarnar. Það var gleði í loftinu og mikið borðað af súkkulaði þennan dag.

Myndirnar hér tala sínu máli!