Áætlun um öryggi og heilbrigði: Grunnskóli Húnaþings vestra (2026-2027)

1. Inngangur og stefna

Markmið áætlunarinnar er að tryggja öruggt og heilsusamlegt starfsumhverfi fyrir nemendur og starfsfólk. Áætlunin byggir á lögum nr. 46/1980 um aðbúnað og Barnasáttmála Sameinuðu þjóðanna.

• Vinnuverndarteymi: Sveinn Ingi Bragason (öryggisvörður) og Þorbjörg Valdimarsdóttir (öryggistrúnaðarmaður).
• Endurskoðun: Áætlunin er yfirfarin og uppfærð fyrir 15. janúar ár hvert.

2. Velferð og farsæld

• Andlegt öryggi: Skólinn skal vera griðastaður. Unnið er samkvæmt stefnu um jákvæðan aga og eineltisstefnu Grunnskóla Húnaþings vestra og sveitarfélagsins.
• Rafrænt öryggi: Starfsfólk fylgist með rafrænni hegðun og veitir fræðslu um netöryggi til að fyrirbyggja stafrænt áreitni. Foreldrar eru hvattir til samstarfs og beðnir um að virða aldurstakmörk á samfélagsmiðla um leið og þeir eru hvattir til að takmarka skjátíma.

3. Líkamlegt vinnuumhverfi og slysavarnir

• Inniloft og hiti: Miðað er við 18–22°C hita og rakastig 30–50% í skólastofum.
• Lýsing: 500–750 lux við vinnuborð til að fyrirbyggja augnþreytu.
• Hljóðvist: Markvisst er unnið að því að draga úr bergmáli og hávaða í sameiginlegum rýmum.
• Skólalóð: Umferð bíla er bönnuð á lóð á skólatíma. Snjómokstur og hálkuvarnir skulu kláraðar fyrir upphaf skóladags.

4. Eftirlit og áhættumat

• Öryggisvörður og öryggistrúnaðarmaður fara árlega í eftirlitsferð um húsnæðið (Vinnuumhverfisvísir).
• Leiktæki á skólalóð eru skoðuð reglulega og vottuð samkvæmt reglugerð 942/2002.

5. Skólaferðalög og útivist

• Í öllum ferðum skal a.m.k. einn starfsmaður bera sjúkrakassa og hafa aðgang að neyðarnúmerum foreldra.
• Ferðir eru skipulagðar með hliðsjón af veðri og búnaði nemenda.

6. Viðbrögð við slysum

• Minni háttar slys: Hlúð er að nemanda og haft samband við foreldra.
• Alvarleg slys: Hringt í 112. Lögregla kölluð til ef um alvarlegt líkamstjón er að ræða.
• Tilkynningarskylda: Vinnuslys starfsmanna sem valda fjarveru á slysadegi auk næsta dags skal tilkynna Vinnueftirlitinu innan 48 klukkustunda.

7. Eldvarnir

• Brunaæfing skal haldin fyrir 1. nóvember.
• Rýmingaráætlanir skulu vera sýnilegar í öllum stofum og öllum rýmum.

8. Slysaskráning

Ritari sér um skráningu slysa. Núverandi staða er að slys eru skráð á eyðublöð sem geymd eru í möppu hjá ritara en mun skráningin færast í námsumsjónarkerfið Kentro á næstunni.

8. Viðauki 1 - Gátlisti fyrir eftirlitsferð

9. Úrbætur og athuganir

13. október 2026