Staða matráðs

Við Grunnskóla Húnaþings vestra er laus til umsóknar 80% ótímabundin staða matráðs.

Helstu verkefni og ábyrgð:

• Annast daglega ræstingu eldhúss, hefur umsjón með því að tæki og búnaður í eldhúsi starfi eðlilega og lætur umsjónarmann skóla vita ef viðgerða/lagfæringa er þörf. Fylgist með borðbúnaði og öðrum lausamunum í eldhúsi og sér um endurnýjun og innkaup þegar þörf er á í samstarfi við skólastjórnendur. 

• Framreiðir á hverjum degi morgunverð, hádegisverð og nónhressingu sem skal vera tilbúinn á þeim tíma sem hentar dagskipulagi skólans. 

• Ber ábyrgð á pöntunum fyrir mötuneytið. 

• Bera ábyrgð að undirbúningi matsals fyrir hverja máltíð. 

• Samskipti við aðkeypta mötuneytisþjónustu eftir þörfum. 

• Aðstoð við undirbúning og móttöku gesta þegar tilefni eru til. 

• Frágangur í matsal og eldhúsi. 

Hæfnikröfur:

• Menntun og reynsla sem nýtist í starfi er æskileg

• Lipurð í mannlegum samskiptum við börn og fullorðna

• Rík þjónustulund

• Sveigjanleiki og jákvæðni

• Skipulagshæfni, snyrtimennska og sjálfstæði í vinnubrögðum

• Stundvísi og áreiðanleiki er skilyrði

Laun og önnur starfskjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Við ráðningu skal veita heimild til að sækja upplýsingar úr sakaskrá.

Umsókn sendist á eydisbara@skoli.hunathing.is 

Öllum umsóknum verður svarað. Umsóknir gilda í sex mánuði frá því að umsóknarfrestur rennur út.

Nánari upplýsingar um starfið veitir Eydís Bára Jóhannsdóttir, skólastjóri, í síma 455-2400, netfang: eydisbara@skoli.hunathing.is 

Umsóknarfrestur er til og með 15. júní 2025