Lausar stöður stuðningsfulltrúa

Við Grunnskóla Húnaþings vestra eru lausar til umsóknar tímabundnar og ótímabundnar stöður stuðningsfulltrúa fyrir skólaárið 2026–2027. Um er að ræða 100% starfshlutfall frá 15. ágúst 2026.

Leitað er eftir metnaðarfullum, jákvæðum og liprum einstaklingum sem hafa áhuga á að starfa í kraftmiklu og skapandi skólaumhverfi.

Helstu verkefni og ábyrgð:

• Stuðningur og gæsla við nemendur í námi og leik innan skólastarfsins.

• Gæsla í frímínútum.

• Samstarf við kennara og aðra starfsmenn skólans.

Hæfnikröfur:

• Æskilegt er að viðkomandi hafi lokið námi sem stuðningsfulltrúi eða hafi aðra menntun sem nýtist í starfi.

• Reynsla af vinnu með börnum er mikill kostur.

• Framúrskarandi hæfni í mannlegum samskiptum, jákvæðni og sveigjanleiki.

• Frumkvæði í starfi, sjálfstæði og skipulögð vinnubrögð.

• Stundvísi og áreiðanleiki.

• Gott vald á íslensku er skilyrði.

Frekari upplýsingar:

Laun eru greidd samkvæmt gildandi kjarasamningi Sambands íslenskra sveitarfélaga og viðkomandi stéttarfélags. Vakin er athygli á því að samkvæmt lögum verður óskað eftir sakavottorði áður en til ráðningar kemur.

Umsóknarfrestur er til og með 25. júní 2026.

Umsóknir ásamt ferilskrá og kynningarbréfi berist rafrænt á netfangið: eydisbara@skoli.hunathing.is