Frá Tónlistarskólanum

Herdís Erla, Birta Ögn og Aldís Antonia á vortónleikum í maí 2025

Tónlistarskólinn hélt þrenna vortónleika þar sem langflestir nemendur skólans komu fram. Það er mikill sigur að stíga á svið og spila eða syngja fyrir fullan sal af fólki. Nemendur stóðu sig frábærlega að vanda. Við viljum þakka öllum sem gáfu sér tíma til að koma á tónleikana. Þetta er mikilvægur þáttur í lok skólaársins hjá tónlistarskólanum.

Þessa dagana erum við að undirbúa 6 nemendur sem munu þreyta grunnpróf föstudaginn 30. maí. En það eru óvenju margir nemendur á sama tíma að fara í grunnpróf frá okkur að þessu sinni og erum  við mjög stollt af því. 

Innritun hefur gengið vel og ekki mörg pláss laus, þeir sem vilja sækja um í tónlistarskólann fyrir næsta skólaár er bent á að senda umsókn á netfangið: palinaf@skoli.hunathing.is 

Hikið ekki við að hafa samband í tölvupósti eða hringja ef einhverjar vangaveltur eru varðandi nám við tónlistarskólann.

Síminn hjá Pálínu skólastjóra er: 8677159