Lestrarömmur og lestrarafar, brúum bilið milli kynslóða!

Í mörgum skólum á landinu er frábært verkefni sem kallast lestrarömmur og lestrarafar. Verkefnið er þannig að „ömmur“ og/eða „afar“ koma í skólana og láta börn lesa fyrir sig.

Okkur í Grunnskóla Húnaþings vestra langar til að hefja verkefni sem þetta og því leitum við til ykkar. Eru einhverjir áhugasamir sem eiga mögulega lausan klukkutíma eða fleiri á viku?

 

Rétt er að taka fram að þetta þurfa að sjálfsögðu ekki að vera eiginlegar ömmur eða afar.

 

Ef þið hafið áhuga á að gerast lestrarömmur eða lestrarafar hjá okkur endilega hafið samband við Helgu, ritara skólans, í síma 455-2900 eða sendið tölvupóst á grunnskoli@hunathing.is