Bekkjarfundur 3. bekkjar 21. nóvember

Kafað var djúpt í eineltishringinn.  Skoðaðir voru allir litirnir, hvað hver litur þýðir og hvað við gerum í öllum aðstæðum.  Hvað við viljum að sé gert og hvað við viljum gera.

Nemendur fengu hrós fyrir sitt framlag á árshátíðinni.  Þau voru frábær.

Tekin var umræða um fótboltavöllinn, hvað er í gangi þar og hvað við getum gert til að laga það sem er að. Það virðist gæta smá tungumála misskilnings.   Ákveðið var að nemendur fengju stuðningsfulltrúa eða skólaliða til að hjálpa sér við að útskýra og kenna. Alltaf að vinna í lausnum.

Rætt um fatahengið.  Vegna þrengsla er oft mikill troðningur þar og yngri nemendum finnst stundum yfir þá gengið. Ræddum plássleysið og hugsuðum leiðir til úrbóta.